Nedelis žurnala „Ir” 2012. goda 23. numura 35. lopyspusī publicāta sleja latgalīšu volūdā, i iz prīšku itaida sleja, kurā poši latgalīši raksteis par nūzeimeigū Latgolys dzeivī i kulturā, žurnalā byus kotru mienesi.

     Pyrmuos slejis autore – filologejis doktore Ilze Sperga. Rokstā „Par klybu kēvi i peirāgim” jei skar latgaliskuos identitatis i pošapzinis vaicuojumu.

     Spylgts citats nu roksta epizodis par tū, kai autore tireguojuse latgalīšu gruomotys Breivdobys muzejā. „Tiergā daguoja jauns puors. Jei vērēs iz gruomotu, jis izmete: „Re, tava valoda!” Jei klusēja. Jis: „Nu, pirksi?” Jei: „Bet tu jau man neļauj runāt latgaliski!” Tai jī i aizguoja – saskaneigi i māmi.”

     Vysu rokstu skaiti žurnala „Ir” 2012. goda 23. numurā (žurnals ir ari Rēzeknis Centralajā bibliotekā), leluoka I. Spergys publikaceja par itū tematu – www.lakuga.lv.