Daudzi jau ir dzierdiejuši par žurnala „Jurista Vārds” 2011. goda 25. oktobra numuru, kurs veļteits šūbreid Saeimā i vysā sabīdreibā aktualizātajam latgalīšu volūdys statusa vaicuojumam i problematikai i dreiž vīn izgaisa nu plauktim tierdznīceibys vītuos.

     Atguodynojam interesentim, ka Rēzeknis Centraluos bibliotekys skaiteitovā žurnals ir pīejams papeira formatā, i informejam, ka laika pūsmā leidz 30. novembram tys ir breivi pīejams ari internetā. Skaiteit i lejupluodēt žurnalu elektroniskā formatā var ite.

     Žurnalā apskateituos temys – voi latgalīšu volūda/dialekts ir pīleidzynojama svešvolūdai i kaida ir īspieja tū lītuot oficialajā saziņā; voi Saeimys deputatu svineiguo sūlejuma/zvārasta dūšona latgaliski ir Satversmis 18. panta puorkuopums i c. Sovus atzynumus i vīdūkļus par latgalīšu volūdu žurnalā atkluoj juristi, filologi i politiki.