Nu 2011. goda 17. oktobra Rēzeknis Centraluos bibliotekys abonementā pīejama dokumentaluo filma „Izdzeivuot pīdereibu. Dzeive gleznuos”, kura ir veļtejums Latgolys kulturys darbinīka O. Kūkuoja septiņdesmitgadei. Filmu taipat kai puorejūs abonementa kruojuma materialus īspiejams pajimt leidza iz sātu.

     Filma paruoda O. Kūkuoja daudzpuseigū personeibu (autors, kai zynoms, dorbuojuos dzejis, teatra, muokslys jūmā), sovūs īspaidūs i dūmuos tymā doluos juo laikabīdri i tyvinīki. Filma adresāta visim, kuri interesejās par latgalīšu kulturu, seviški jaunīšim, tei nūderēs školuotuojim i augstškolu pasnīdziejim.

     Filma topuse ar Vaļsts Kulturkapitala fonda atbolstu, tuos izdeviejs ir Latgalīšu volūdys, literaturys i kulturviesturis školuotoju asociaceja, režisors – V. Ivdris, operators – M. Justs, muzykys autors – Sovvaļnīks (I. Gusāns).

     Rezervēt filmu dieļ vieršonuos sātā var ite.