Avīzis „Rēzeknes Vēstis” pīlykuma „Mōras Zeme” 2011. goda septembra numurā (08.09.2011.) divūs rokstūs runuots par rakstnīku Ontonu Rupaini juo jubilejys sakarā. Bieržgaļa školys školuotuoja i folklorys kūpys vadeituoja Anna Adijāne mudynoj latgalīšus izzynuot sovu viesturi i cīneit sovus dižgorus. Septembrī Bieržgalī seviški tiks pīmynāti rakstnīks Ontons Rupaiņs i dzejneica i literaturzynuotneica Paulīne Zalāne-Vallena, kurai naseņ apritēja 80. jubileja.

     Bieržgaļa vydusškolys absolvente V. Beitāne (Jonikāne) apskota Ontona Rupaiņa biografeju, bet O. Pekša, O. Rupaiņa muzeja vadeituoja, nadaudz aproksta ari Paulīnis Zanānis-Vallenys dzeivis ceļu, par tū ka muzejā 24. septembrī tiks svynāta ari juos jubileja.

     A. Graudiņa roksta par augustā myužeibā aizguojušū viesturneicu, Latvejis Universitatis asociātū profesori Lidiju Luciju Malahovsku, kura 1939. godā dzymuse Rēzeknis apriņķa Sakstagolā. L. L. Malahovska padzilinuoti ir pietiejuse transporta atteisteibu – aizstuoviejuse disertaceju „Dzelzceļu izbūve un ostu attīstība Latvijā 19. gs. 2. pusē” i sarakstejuse monografeju „Latvijas transporta vēsture 19. gs. 2. pusē – 20. gs. sākumā”. Vāluok pietejusie totalitarismu i stalinismu, 1999. godā izguoja juos gruomota „Stalinisms”.

     Vēļ itymā numurā raksteņš par „Latgolys radeju” ar aicynuojumu atbaļsteit jū materiali, V. Čepuļa, M. Bikovskys i A. Gļaudys dzeivuli.