Tikšonuos dzejis mienesī

     2012. goda 27. septembrī plkst. 13.00 Rēzeknis Centraluos bibliotekys Konferenču zālī byus tikšonuos ar nūvodpietnīku, literatu i tulkuotuoju Leonardu Rakicki. Pasuokumā izskanēs L. Rakicka latgaliski tulkuotuo pūļu dzejneicys Konstancis Benislavskys (1747–1806) dzeja, kai ari poša literata dzejis skaitejumi. Aicynojam iz interesantu sarunu i vīdūkļu apmaiņu par dzeju i mudynojam sagataveit vaicuojumus! Bibliotekys skaiteitovā apsaveramys K. Benislavskai i L. Rakicikm veļteitys izstuodis.

 

Karteņa nu: vilakabiblio.wordpress.com

     Leonards Rakickis ir dzims 1953. goda 8. novembrī Kuorsovā, vuicejīs Malnovys sovhoztehnikumā, nakluotīnī absolviejs Reigys Politehniskuo instituta Elektroenergetikys fakultati. Struoduojs sovhozā „Lozdukolns”, tagad – Eglainis pamatškolā. Paraleli dorbam školā jis ir nūvodpietnīks i aktivs kristeiguos dzeivis popularizātuojs. Nūpītni pietejs Benislavsku dzymtu, sasarakstejs ar arhivim i pietejs bazneicys gruomotys. L. Rakicka latgaliskī tulkuojumi nu K. Benislavskys dzejūļu kruojuma „Sev dzīduotuos dzīsmis” i vysaidi viesturiskī apceriejumi i personiskūs puordūmu dorbi skaitami izdavumūs „Tāvu zemes kalendars”, „Gaismas Taka & Zemturs” i „Olūts”.

 

Informaceja: http://www.balvurcb.lv/kb/?View=entry&EntryID=677

 

Karteņa nu: www.balvurcb.lv

     Konstance Benislavska dzymuse 1747. goda 6. janvarī nabadzeigā muižnīku Riku dzymtā. Cīš jauna apsapreciejuse ar Pīteri Benislavski, kura dzymtai pīderiejušys vairuokys muižys tagadejuo Bolvu nūvoda teritorejā. K. Benislavskys saraksteituo dzeja izdūta gruomotā ar nūsaukumu „Pieśni sobie śpiewane…” („Sev dzīduotuos dzīsmis”), gruomota īspīsta Viļnī 1776. godā. Dzejis nūzeimeibu aplīcynoj tys, ka 1958. godā itei gruomateņa Pūlejā izdūta nu jauna. K. Benislavskys dzejis paraugi īkļauti vairuokūs Pūlejis nacionaluos dzejis izdavumūs, tei ir ari pieteita. Myužeibā K. Benislavska nūguojuse 1806. goda 8. novembrī.

 

Informaceja: http://www.balvurcb.lv/kb/?View=entry&EntryID=449